Mirzayev Xusniddin Murotovich
Klinika direktori
Onkoginekologiya, mammologiya va endoxirurgiya bo‘yicha mutaxassis.
- Umumiy tibbiy mehnat staji
- 35 yildan ortiq
- Tug‘ilgan yili
- 1970
Asosiy mutaxassislik yo‘nalishlari
- Onkoginekologiya
- Mammologiya
- Endoxirurgiya
- Onkologik kasalliklarni diagnostika qilish va kompleks davolash
- Zamonaviy endoskopik jarrohlik usullari
Mirzayev Xusniddin Murotovich 1970-yilda tavallud topgan. Uning tibbiyot sohasidagi mehnat faoliyati 1991-yilda boshlangan.
1991-yilda Andijon psixonevrologiya dispanserida feldsher lavozimida ish boshlagan. 1993-yildan Andijon onkologiya dispanserida o‘rta tibbiyot xodimi lavozimida faoliyat yuritib, onkologiya sohasida amaliy tajriba orttirgan.
1997-yilda Andijon davlat tibbiyot institutini muvaffaqiyatli tamomlagan. Shu yili Andijon onkologiya dispanserida onkologiya yo‘nalishi bo‘yicha internatura o‘tagan.
Internaturani tamomlagach, butun kasbiy faoliyatini onkologiya sohasiga bag‘ishlagan va hozirgi kunga qadar Andijon onkologiya dispanserida faoliyat yuritib kelmoqda.
Ko‘p yillik mehnat faoliyati davomida mammolog, onkoginekolog va endoxirurg sifatida katta amaliy tajriba to‘plagan. Zamonaviy diagnostika va jarrohlik usullarini puxta o‘zlashtirib, onkologik kasalliklarni erta aniqlash, kompleks davolash hamda zamonaviy endoskopik jarrohlik amaliyotlarini bajarish yo‘nalishlarida samarali faoliyat olib bormoqda.
2002-yildan buyon “GOLDEN VODIY” xususiy klinikasi direktori sifatida tibbiyot muassasasini boshqarib, aholiga yuqori sifatli va zamonaviy tibbiy xizmat ko‘rsatishni yo‘lga qo‘yishga munosib hissa qo‘shib kelmoqda.
Mirzayev Xusniddin Murotovich o‘zining ko‘p yillik tibbiy tajribasi, onkologiya sohasidagi chuqur bilimi, yuqori malakali jarrohlik ko‘nikmalari va bemorlarga mas’uliyatli munosabati bilan hamkasblari hamda bemorlar orasida hurmat qozongan mutaxassisdir.
